Çalakiya Pirtûkxaneya Gerok li Reqayê dewam dike

0
48

Tevgera Ciwanên Şoreşger a Sûriyê di çarçoveya hemleya “Werin cenga azadiyê”, bi koordîneya Yekitiya Jinên Ciwan a Reqayê, çalakiya pirtûkxaneya gerok li Reqayê li dar xist. Armanca tevgerê ew e ku fikr û felsefeya rêber Abdullah Ocalan bidin nasandin û ragihînin beşên cuda yên civakê.
RAQA-Tevgera Ciwanên Şoreşger ji vê çalakiyê armanc dike fikr û felsefeya rêber Abdullah Ocalan bide nasandin û ragihîne beşên cuda yên civakê.

Îro pirtûkxane li kolan û taxên Reqayê geriya. Piştî wê li qada bajêr rawestiya. Di çalakiya li qadê de, endamê Tevgera Ciwanên Şoreşger a Reqayê, Bozan Berkel axivî û got: “Ji vir, ji bajarê Reqayê ku hêza tarî ya herî mezin têk bir ku di bin baskên dewleta Tirk de bû, em fedekariyên şehîdan bibîr tînin ku ji bo rizgarkirina bajêr û hemû herêmên Bakur û Rojhilatê Sûriyê berxwedanek bi tîpên zêrîn hat nivîsîn, nîşan dan.”

Bozan Berkel di nav axaftinên xwe de behsa komploya navneteweyî ya li dijî rêber Abdullah Ocalan kir ku ji bo gelên bindest tê dikoşe û li ber xwe dide.

Her wiha Berkel destnîşan kir ku çareseriya yekane ya li hember dagirkerî û xiyanetê, parastina rewa li dijî zulm û çewisandinê ye û got: “Şerê gel ê şoreşgerî, rêya yekane ya ji bo tunekirina dagirkeriya Osmanî ye. Em ji gelên herêmê re dibêjin, em ê hemû herêmên dagirkirî rizgar bikin û dê rêya şehîdan berdewam bikin ta ew herêm bi giştî rizgar dibin.”


Hevserokê Meclisa Giştî ya Reqayê Lûey El Îsa axivî û got; “Pêkhateyên herêmên yên kurd, ereb, ermen û çerkes bi saya fikr û felsefeya rêber Abdullah Ocalan bûn yek. Ji vir em bang li cîhanê dikin ku azadiya fîzîkî ya rêber Abdullah Ocalan pêk bînin.”


Di dawiya çalakiyê de, sînefizyonek têkildarî jiyana rêber Abdullah Ocalan, hate pêşandan. Tê payîn ku sibe pirtûkxaneya gerok biçe bajarokên Retla yê başûrê Reqayê û Sehlebiye yê rojavayê bajêr.