’Li hemberî êrîşan li çiya, zozanan û bajaran tevlî pêngava şoreşgerî û çalakiyan bibin'

0
243

Koordînasyona Komalên Ciwan bang li hemû ciwanên Kurdistanê kir ku li hemberî êrîşên dagirkeriyê yên dewleta Tirk di 17’ê Nîsanê dabû destpêkirin , li çiya, zozanan û bajaran tevlî pêngava şoreşgerî û çalakiyan bibin.
Koordînasyona Komalên Ciwan der barê êrîşên dagirkeriyê yên li ser Herêmên Parastinê yên Medyayê de daxuyaniyek da û bang li hemû ciwanên Kurdistanê kir ku li hemberî êrîşên dagirkeriyê yên dewleta Tirk di 17’ê Nîsanê dabû destpêkirin, li çiyan zozanan û bajaran tevlî pêngava şoreşgerî û çalakiyan bibin.

Daxuyaniya Koordînasyona Komalên Ciwan wiha ye:

“Dewleta Tirk a dagirker û qirker, ji 17’ê Nîsanê û vir de êrîşeke nû ya dagirkeriyê li ser Herêmên Parastinê yên Medyayê dest pê kir. Aşkera ye ku ev pêla nû ya êrîşan ku li ser keleha berxwedanê ya Zapê hatiye girankirin, planeke berfireh û demdirêj e. Di qonaxa niha de bîlançoya şerê çend rojan nîşana wê yekê ye ku şerekî mezin û dijwar rû daye û dê ev şer hîn mezintir bibe. Li hemberî keleha dawî ya faşîzmê û barbariya Komara Tirkiyeyê, di şexsê Gerîlayê Azadiya Kurdistanê de destanên berxwedanê yên ji fedakariyê wêdetir tên nivîsandin. Mirovahî û dinya careke dibin şahidiya şerê bi heybet a dîrokî ya neferên birûmet û azadiya tu car têknaçin a Gerîlayên Azadiya Kurdistanê, dikin

BI ÊRÎŞAN DIXWAZE KÊLIYÊN DAWÎ YÊN FAŞÎMZA XWE DIRÊJ BIKE

Dewleta Tirk a faşîst û qirker dev ji armanca xwe ya konsepta tasfiyekirinê bernade. Hîn jî hêviya ji stratejiya xwe ya tunekirina PKK’ê de ku partiya pêşeng a têkoşîna azadiya Kurdistanê ye, ji bo qirkirina Kurdan dike. Êrîşên îmhayê yên ku di sala 2021’an de li dijî herêmên Metîna, Avaşîn û Zapê dabûn destpêkirin, coşa faşîzma Tirk di qirika wê de hişt. Hesab li Enqereyê ketibû zinarên berxwedanê yên Zagrosê û di bin gurzên gerîla de dikire nale nal. Dewleta Tirk a dagiker û qirker ku nekarî têkçûna sala 2021’an bihezîne, mîna ku ‘Pehlewanê têkçûyî ji pehlewaniyê têr nabe“ jî bi êrîşan dixwaze kêliyên dawî yên faşîzma xwe dirêj bike.

REJÎMA ŞER

Dewleta Tirk di bin dîktatoriya Erdogan de polîtîkaya ku dixwaze bi mîtingeriya faşîst bi dest bixe, serwer dike. Dema dît ku faşîzmê di pêkanîna siyaseta xwe de û bi darê zorê bigihêje armancên xwe encam girt, hesab kir ku wê heman encam li ser Kurdan jî derkeve. Bi piştgiriya hêzên hegemonîk ên navneteweyî û hêmanên xayîn ên hevkarên herêmî yên di bin pêşengiya NATO’yê de, di wê baweriyê de bû ku plana tasfiyeyê parçeyek e. Ji ber vê yekê rejîma Erdogan-Bahçelî ku xwe weke hêzeke şer birêxistin kir, xewn dît ku di 100 saliya Lozanê de eger ji astengiya Kurdan derbikeve wê bibe yekane hêza hegemonîk a li Rojhilata Navîn. Garantiya hêzên hegemonîk ên navneteweyî û temînata ku komên xayîn ên herêmî xwe dispêrin wan ev hedef in.

GERÎLAYÊN AZADIYÊ JI BO RÛMET Û AZADIYA ROJHILATA NAVÎN Û MIROVAHIYÊ TÊDIKOŞ E

Li pişt pêla nû ya êrîşan ev hesabê qirêj, gemar û tarî heye. Sedema bingehîn a ku di nava seferberiyeke topyekûn de, bi bikaranîna hemû hêza xwe bi pêşkêşkirina hemû sermaya xwe rastî êrîşan tê ev e. Ger PKK bê tUnekirin, wê 50 sal afirînên şoreşgerî yên mucîzeyî yên Rêber APO bi dawî bibe û xewna Osmaniyan a 100 salî temam bibe. Di şexsê PKK’ê de wê hemû herêma Kurdistanê û Rojhilata Navîn bikeve nava tarîtiya barbariya faşîst a Tirk. Di şexsê PKK’ê de wê hemû herêma Kurdistanê û Rojhilata Navîn bikeve nava tarîtiya barbariya faşîst a Tirk. Ji ber vê yekê gerîlayê azadiya Kurdistanê ne tenê ji bo gelê Kurd, ciwan û jinên Kurd, ji bo rûmet û azadiya Rojhilata Navîn û mirovahiyê têdikoşe. Ji ber vê yekê gerîlayê azadiya Kurdistanê ne tenê ji bo gelê Kurd, ciwan û jinên Kurd, ji bo rûmet û azadiya Rojhilata Navîn û mirovahiyê têdikoşe. Îro li Zapê berxwedana fedaî ya gerîla ya bi ruh, hişmendî û îradeya Apoyî li dijî mezintirîn şerê teknîkî yê dîrokê li hev dikeve. Gerîlaya Azadiya Kurdistanê li Zapê jiyana xwe ji bo azadiya gelan, ciwan û jinan kir mertal, hiş û dilê xwe bi evîna azadiyê girt û ji bo rûmet û rûmeta xwe qirêj neke bi her şaneyê ve bû keleha berxwedanê. Tişta ku mirovan dike mirov, ji aliyê hovên faşîst ve qirêj nebe, bi her şaneyê ve bûye keleha berxwedanê. Ev xeta Apoîst a berxwedan û serketinê ye ku li ser dijmin de diçe û tirsê dixe dilê faşîzmê.

AXA KURDISTANÊ LI FAŞÎZMA TIRK TENG BÛ YE

Xeta berxwedanê ya ku ji dil û mejiyê ciwanan di şexsê gerîlayê azadiya Kurdistanê de hatiye meşandin, bûye mizgîniya serkeftinê. Tevî ku bedelên giran hatin dayîn jî, axa Kurdistanê li faşîzma Tirk teng bû, desthilatdariya faşîstê Erdogan ber bi tunebûnê ve çû. Şerê li Zapê berdewam dike wê bibe şerekî stratejîk û çarenûsî. Li hemberî destana berxwedanê ya Gerîlayên Azadiya Kurdistanê, divê ciwanên Kurd helwesta xwe bidin lêprisin, xwe ji têkoşîna azadî û rûmetê berpirsyar bibînin û ji bo parastina welat bikevin nava liv û tevgerê. Ger sekna şoreşgerî ya ciwanan bi berxwedana fedaî ya gerîla re bibe yek û pêşengiya serhildana gel bike, wê tu dijminê mêtinger û dagirker nikaribe li pêşiya me bisekine.

DIVÊ CIWAN BI RUHÊ SEFERBERIYÊ DAKEVIN QADAN

Divê ciwanên şoreşger ên Kurdistanê metirsiyên pêvajoya dîrokî ya ku em tê de ne hîs bikin û derfetên serketinê heta kûrahiya dilê xwe bibînin, hişyar bin û têkoşer bin. Hewldana 50‘î salan a Rêber APO û destkeftiyên şoreşgerî yên ku şehîdên me bi canê xwe afirandine, me ber bi serkeftinê ve dibe. Berxwedana ku gerîlayên Azadiya Kurdistanê li Avaşîn a Zapê di 24 saetan bê rawestan, bê birçîbûn û tîbûn, bê westandin, bê xema jiyanê da meşandin, fermana serketinê dide ciwanên Kurdistanê. Rêya serkeftinê bi her tiştî berxwedan û derbeyên giran li dijmin xistine. Divê tu ciwanên Kurd ên şoreşger û welatparêz li benda tu bendewariyan nebin. Divê bi hemû hêza xwe, bi hemû hebûna xwe, bi hemû derfetên xwe û bi hemû rîskan seferber bibe û pêvajoya pêngava şoreşgerî bide destpêkirin. Divê ji Rojava heta Rojhilat, ji Mexmûrê heta Şengal, ji Bakur heta Başûr û heta Ewropayê, li her cih bibe qada berxwedanê. Divê her cih bibe Zap û Avaşîn, li dijî dijmin bi berxwedana gerîla li her derê bikevin nava livi û tevgerê.

DIVÊ HER CIH VEGUHERE BERXWEDANA ZAPÊ

Li her cihê ku Komara Tirkiyeyê lê be, divê hemû faşîstên AKP-MHP’ê, hemû aliyên xayîn û hevkar ên faşîzmê dilrehet dikin, bi ruhê tolhildana şoreşgerî bibin hedef û bên cezakirin. Ger dijminê faşîst êrîşî Zapê dike, divê ciwan û jinên leheng ên Kurdistanê jî ji Bakur heta metropolên Tirk, ji Başur heta Ewropayê li dijî hedefên dijminên faşîst bikevin nava seferberiyeke şoreşgerî. Divê lêdana dilê gerîlayên ku bi berxwedana li Zapê lêdixist, li tevahiya Kurdistanê belav bibe û berxwedana serketinê ji cîhanê re bê ragihandin. Divê teqez dudilî nebe, hedefên dijmin bi her awayî bi helwestek layiqî ciwanên şoreşger ên Kurdistanê bên şopandin. Divê çiya, deşt û bajar li dijmin bên tengkirin, berxwedana gerîla ya ku li Zapê derketiye holê, veguherîne berxwedaneke ciwanan a li bajaran. Li ser vê bingehê em bang li hemû ciwanên Kurdistanê dikin ku li çiyan zozanan û bajaran tevlî pêngava şoreşgerî û çalakiyan bibin û em dibêjin “WERIN CENGA AZADIYÊ.”

CEVAP VER

Lütfen yorumunuzu giriniz!
Lütfen isminizi buraya giriniz