[:ku]
Ciwanên Ereb li ser esasê bersivdayîna bangawaziya Komalên Ciwan ya bilindkirina têkoşînê û tevlîbûna nava refên gerîla dan, tevlîbûna xwe ragihandin.
Dewleta Tirk a faşîst bi her cure êrîşan li Kurdistanê dixwaze gel û ciwanên Kurd ji cewherê wan qut bike û bi komkujî û êrîşan tune bike. Dewleta Tirk a faşîst ku polîtîkayên xwe yên şerê taybet li dijî ciwan û jinên ciwan dimeşîne, her roj bi hejmarên pûç û vala qedandina PKK’ê radigihîne, ciwan û jinên ciwan jî bi tevlîbuna nava refên PKK’ê heqîqetê derdixine holê.
Aliyê din de jî ji ber ku polîtîkayên dewleta Tirk a dagirker li ser gel û ciwanên ereb jî bi awayekî qirêj dimeşe, ciwan ereb bê deng namînin bersiva wan didin. Ciwanên ereb banga seferberiya ku ji aliyê Komalên Ciwan ve hatî ragihandin kirin û destnîşan kirin ku wê tola gelê kurd û ereb li qadên gerîla were hilanîn, di heman demê de bang li hemû ciwan û jinên ciwan ve kirin ku ew jî werin tevlî gerîla bibin.
Ciwanan diyar kirin ku “Her kesekî ku dixwaze dagirkeriyê bike, wê hesabên dîrokî ji wan were pirsîn.”
Ciwanên tevlî gerîla bûn bang li hemû ciwanên Ereb kirin û gotin “Werin Cenga Azadiyê”
Bi tevahî daxuyaniya ciwanan wiha ye:
JI BO HEMÛ CIWANÊN ŞOREŞGER Û WELATPARÊZ
Weke em dizanin dewleta barbar û faşîst ya Tirk di 14ê Nîsanê de dest bi êrîşa li ser çiyayên Kurdistanê kir, ev êrîş yekser bi piştigirya NATO û malbata Berezanî ye, malbata ku rûmet, şeref firotiye, her wiha welat û hebûna xwe jî daye firotin. Ji bo ku tiştek bi navê kurdiyetê li cîhanê nemîne hemû hêzên hegemonîk, dagirker, mêtînger û di serî de PDK peymanan bi hev du re çêdikin, PDK ji bo têkbirina tevgera azadiyê hêza xwe hemû bi dewleta Tirk re li dijî tevgera azadiyê xistiye nava tevgerê de. Em jî bi hêza gerîla re li berxwe didin û ji bo têkbirina van plan û armancên wan yên qirêj û dijderketina li hember îxaneta PDK’ê ya ku bi awayekî aktîv li dijî me ketiye nava şer de, şer dikin. Emê hesabên dîrokî ji dagirker û hevkarên wê ve bixwazin.
Li ser vê bingehê em careke din teqez dikin ku gerîla hêzeke netewiye û ji bo parastina mirovahiyê û gelên bindest şer dike û li berxwe dide. Îro roj roja tolhildana ji dagirkerane, roja rizgarkirina axa me ye, yên ku bi vê yekê rabin ciwan û jinên ciwan in. Li ser vê bingehê em êrîşên dagirkeriya dijmin ya ku dixwaze di kesayeta ciwanan û jinên ciwan yên ku bi axa xwe, zimanê xwe, çanda xwe û serokê xwe ve girêdayî ne civakê parçe bike û kole bike qebûl nakin, emê vê tekoşînê li dijî dagirkeriyê bilindtir bikin, emê parastina xeta azadiyê ya ku Rêber Apo fêrî me kiriye bikin.
Li ser vê bingehê em weke ciwanên ji pêkhateya ereb tevlî seferberiya ku Komeleya Ciwan ragihandiye dibin û bi vê yekê em di vê roj û meha pîroz de tevlîbûna xwe ya nava berxwedana Gerîla radigihînin û ji bo tolhildana hemû şehîdan, em xwediyê xwestekên mezin û pîroz in.
Di dawiyê de bangewaziya me ji bo tevahî ciwanan û jinên ciwan yên ji hemû pêkhateyan û bi taybet pêkhateya Ereb heye ku li dijî dijminê faşîst berê xwe bidin nava refên Gerîla û yekîtiya xwe bi rihê berxwedana Gerîla ya ku serkeftinê misoger dike û şoreşa Kurdistanê bi rêve dibe bikin yek, di heman demê de da ku em serkeftinên mezin bi berxwedana Gerîla re li Kurdistanê bi dest bixin û pergala Tirk ya faşîst li Kurdistanê birûxînin divê em asta tevlîbûnê bilindtir bikin.
Niha em şerekî dijwar jiyan dikin û ji bo bersivdayîna vî şerî divê her ciwanek berê xwe bide nava refên Gerîla, li ser vê bingehê divê ku hemû ciwan û jinên ciwan tevlî nava refên Gerîla bibin.
[:]
