Tevgera Ciwanên Şoreşger ên Kobanê, li hember êrîşên dagirkeriyê parastina bajarê xwe dikin.
KOBANÊ – Ji ber êrîşên dagirkeriyê yên dewleta Tirk û hevkarê wê PDK’ê, ji aliyê Tevgera Ciwanên Şoreger ve li bajarê Kobanê bi derketina ser kolanan, heman demê de bi danîna rêbendan re erka parastina welatê xwe pêktînin.
Ciwanên ku derketine parastina welatê xwe dikin ji ajansa me re nirînên xwe parvekirin û dan destnîşan kirin ku erka parastina welat ya her ciwanekî ye û gotin; “Ger em xwe neparêzin em nikarin tu carî jiyan jî bikin. Her kesekî ku jiyan dike wê xwe biparêze.”
Li hember êrîşên dagirkeriyê erka her ciwanekî ye ku welatê xwe biparêze;
“Navê min Mistefa ye, endamê Tevgera Ciwanên Şoreşger. Em li ser navê Tevgera Ciwanên Şoreşger derketine erka xwe parastinê pêktînin. Em weke ciwanên Kobanê cihê xwe di vê pêvajoyê de digirin û parastina xaka xwe dikin. Li hemberî êrîşên dagirkeriyê erka her ciwanekî ye ku welatê xwe biparêze. Dema ku êrîş ser me çêdibin, hêza em hîna xortir dibe, em weke ciwan xwedî manewiyatin. Her çi çalakî çêdibe, em tevlî van çalakiyan dibin. Bangawaziya me ji bo tevahî ciwanan ewe ku rabin ser piyan, ax û welatê xwe biparêze. Welatê me şeref û rûmeta me ye.”
Divê her ciwanek xwedî li ax û welatê xwe ve derbikeve;
“Navê min osman, endamê Tevgera Ciwanên Şoreşger yê Kobanê. Em derdikevin kolanan, li vê derê parastina welat, xak û gelê xwe ve dikin, ji ber ku em xwe ji êrîşên dagirkeriya Tirk yên ku ser me tên kirin berpirsyar dibînin, ji ber wê jî em dibêjin ger ciwan neke kes nake. Divê her ciwanek xwedî li ax û welatê xwe derbikevin. Heya dilopek xwîn di laşê me de hebe, emê parastin bajarê xwe û tevahî welatê xwe ve bikin.”
Her ku êrîşên dagirkeriyê zêde dibin, em jî zêdetir dikevin nava çalakiyan de;
“Navê min Mesîrû, ez endamê Tevgera Ciwanên Şoreşgerim. Em weke ciwan îro derketine parastina bajarê xwe dikin. Parastin xala me ya sereke ye. Yanê ger em xwe neparêzin em nikarin tu carî jiyan jî bikin. Her kesekî ku jiyan dike wê xwe biparêze. Em ji bo parastina welatê xwe rêbendan datînin. Bi taybet di van deman de êrîşên dagirkeriyê yên dewleta Tirk pir zêde bûye. Em tenê bi şev nobeta xwe nagirin, her erkekî ku dikeve ser milê me, em wan pêktînin. Weke parastina tenê na hemû çalakiyên ku tên kriin, em ji wan re pêşengtî dikin. Dema ku êrîşên dagirkeriyê zêde dibin, em jî hîna zêdetir tevlî nava çalakiyan dibin. Banga me ji bo hemû ciwanan ewe ku derbikevin parastina bajarê xwe bike, ji ber ku ger em xwe neparêzin, em nikarin tu carî jiyan bikin.”
Li hember êrîşên dagirkeriyê, divê ciwan bikevin nava tevgerê de;
“Navê min Egîde, ez endamê Tevgera Ciwanên Şoreşger yê Kobanê me. Em derketine vê derê ji bo welatê xwe ji êrîşên dagirkeriyê biparêzin. Em ji ciwanên dîtir hêvî dikin ku werin cihê xwe di nava Tevgera Ciwanên Şoreşger de bigirin. Êrîşên dagirkeriyê bê navber ser welatê me dewam dike, dewleta Tirk êrîşî welat dike. Divê li hember wê ciwan bikevin nava tevgerê, ew jî werin cihê xwe gel me de bigirin.”
