Daxweyanî

[:ku]Ciwanên Ereb banga seferberiyê dan – Ciwanên ereb ref bi ref tevlî nava PKK’ê dibin[:]

[:ku]

Ciwanên Ereb yên Bakur-Rojhilatê Sûriyê li ser banga Komalên Ciwan tevlî nava refên PKK’ê bûn.
Ji 14’ê Nîsanê de dewleta Tirk ya Dagirker bi hevkariya PDK’ê, li ser Herêmên Parastina Medya êrîşên berfireh yên dagirkirinê daye destpêkirin. Di nava van êrîşên dagirkeriyê de, hemû çekên qedexekirî ji gazên kîmyawî heya çekên nukler li dijî gerîla tên bikaranîn. Dîsa jî li hember wê Gerîlayên Azadiya Kurdistanê, gerîlayên nûjen bi rêbazên profesyonal, derbên giran û bê navber li dagirkeran dide. Her wiha bi qasî ku gerîla derb li leşkerên dagirker dide, ewqas jî li ser pîskolojiya wan bandor dike. Ev berxwedaniya ku gerîla nîşan dide, hêzên dagirker û hevkar ve bibinxistiye.

Lê belê ev berxwedan tenê bi gerîla nikarin sînordar wer bihêlin, li çar perçeyên Kurdistanê û li derveyî Kurdistanê gelê Kurd û dostên xwe ve di nava berxwedaneke dîrokî de ne. Li kolanan her roj derbas dibe, dengê berxwedana gelê Kurd û gelê azadîxwaz ve bilindtir dibe. Di heman demê de ev ji pêşengtiya ciwanan qut nîne, ciwanên Kurdistanê li ser esasê parastina welatê xwe û li hemberî dagirkeriyê serî netewandinê bê navber di nava çalakiyan de ne. Bi taybet li seranserî Rojavayê Kurdistanê û tevahî Bakur-Rojhilatê Sûriyê, ciwanên kurd û dostên wê ve dev ji kolanan bernadin û li kêleka gerîla cihê xwe di xeta herî pêş yê berxwedanê de digirin.

Li ser vê bingehê jî ji bo ku tevlîbûn û rol lîstina ciwanan di vê pêvajoya dîrokî ya man û nemanê de hîna zêdetir û xortir bibe, ji aliyê Komalên Ciwan ve seferberî hate ragihandin. Komalên Ciwan li ser esasê têkbirina dagirkeriyê, azadkirina fîzîkî ya Rêberê Gelan Abdullah Ocalan û azadkirina civaka bindest ev seberberî ji bo tevlîbûna tevahî ciwanên Kurd û dostên wê ve ragihand.

Di vê wateyê de ciwanên ereb bersiva banga seferberiyê dan û tevlî nava refên gerîla bûn. Ciwanên ereb bi ne qebûlkirina êrîşên dagirkeriyê re, û bi bandorbûna ji berxwedana gerîla berê xwe dan nava refên PKK’ê. Ciwanên ku tevlî nava refên PKK’ê bûne, bi daxuyaniyekê tevlîbûna xwe ragihandin û bang li tevahî ciwanan kirin ku werin cihê xwe di nava refên PKK’ê de bigirin.

Daxuyaniya ku hatî dayîn wiha ye;

JI TEVAHÎ CIWANÊN WELATPARÊZ Û ŞOREŞGER RE

Weke tê zanîn îro êrîşên dagirkeriyê, bi armanca tunekirina şoreşa Kurdistanê, li ser Zap, Avaşîn û Metîna ve şerekî dijwar dide meşandin. Dewleta Tirk ya dagirker û hevkarê wê PDK’ê û tevahî malbata Barzanî, ji derveyî pîvanên mirovahiyê, bi teknîkên pêşketî, bikaranîna çekên qedexekirî, bi hemû dek û dolaban van êrîşan pêktînin. Lê belê Gerîlayên Azadiya Kurdistanê bi îrade û hêzeke pir mezin derbên giran li dijmin xistiye û dijmin tarûmar kiriye.

Em weke ciwanên Bakur û Rojhilatê Sûriyê şerê serkeftinê ya ku Gerîlayên Azadiya Kurdistanê dimeşîne pîroz dikin. Îro şerê ku li Zapê tê meşandin, bi serkeftina gerîla re kêlî bi kêlî mohra xwe li dîrokê dixe. Gerîla li hember êrîşên hovane, bi şer, berxwedan û ruhê xwe ve destanekê dinivîse. Berxwedaniya ku li Zap û Avaşîn rû dide, di heman demê de, parastina tevahî mirovahiyê jî dike. Ji ber ku di vê şerî de hevalên ku bi qehremanî şerkirine û gihîştine şihadetê hene. Em jî çekê van şehîdan li erdê nahêlin, û rakirina çekê van şehîdan weke deyînekê di stûyê xwe dibînin.

Li ser vê esasê em jî bersiva bangawaziya Komalên Ciwan ya banga cenga azadiyê didin, em wekî ciwan ereb li hember vê bê deng namînin, ji bo wê jî me biryara xwe da ku em jî tevlî nava refên gerîla û cenga azadiyê bibin. Bangawaziya me ji bo tevahî ciwanê jî ewe ku, êdî roj roja tunekirina dagirkerî û îxanetê ye, roj roja serkeftinê ye, roj roja cengê ye û em dibêjin Werin Cenga Azadiyê.

Bêjî Serok Apo

Bêjî Partiya Karkerên Kurdistanê

Bêjî Berxwedana Gerîla

[:]

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Başa dön tuşu