Çalakiyên Ciwanan

[:ku]Ciwanên Kobanê ji bo tevlîbûna seferberiyê re civînek li darxsitin – Ciwanan tevlîbûna seferberiyê misoger kirin[:]

[:ku]

Tevgera Ciwanên Şoreşger û Yekîtiya Jinên Ciwan tevlîbûna xwe ya seferberiyê bi civînekê misoger kirin.
KOBANÊ – Li bajarê Kobanê Tevgera Ciwanên Şoreşger û Yekîtiya Jinên Ciwan, bi civînekê tevlîbûna xwe ya ji seferberiyê re misoger kirin û di civînê de tevahî beşdarvanan soza tevlîbûna ji seferberiyê re dan û destnîşan kirin ku wê li hember dijminatiya PDK’ê wê tevlîbûna xwe ya ji seferberiyê re misoger bikin. Her ciwanekî ku beşdarî civînê bûye, dan diyarkirin ku ewê ji bo xwedî derketina li berxwedana gerîla heya dawiyê li kêleka gerîla bin. Naveroka civînê, li ser rastiya dijminatiya PDK’ê û li hember wê ciwan çawa tevlî pêvajoyê bin dagirtî bû.

Naverok û nîqaşên ku di civînê de hatine kirine, di vê derbarê de bû;

Em weke ciwanên Firatê me xwe li gor vê pêvajoyê çiqas amade kirî, em di kîjan astê de dikarin bersiv bidin ji dijmin re, civîna me li ser vê esasê ye, wê bersiva hemû pirsan bide.

Ciwanên ku tevlî civînê bûne nirînên xwe derbarê pêvajoyê de didin;

“Navê min Mistefa Mihemed Sedîq e. Tenê yek hedefa me heye, ew jî em li kêleka gerîla, li hember ev dijmin faşîst şer bikin. PDK’ê bi taybet jî Mesûd Barzanî û Nêçîrvan Barzanî heya niha nehatibûn Rojava, lê ji bo berjewandiyên xwe yên kesayetî diçe bi Erdoxan re rûdine, planên qirêj li ser Kurdan çêdike. Ji bo vê jî em dibêjin Barzanî bi kurdan nafikire, yên ku bi Kurdan difikirin gerîla ne, gerîla xwuşik û birayên me, gotinek jî heye dibêje xwuşik û birayên me pir bi nirxin, ji bo vê jî divê me li hember dagirkeriyê bi xwuşik û birayê xwe re bisekinin. Ez jî weke ciwanekî ji seferberiyê re amade me.”

“Em jî weke deste û yekîtiya werzîşê, beşdarî vê seferberiyê dibin. Emê kar û barê xwe hîna zêdetir bikin, di hemû aliyan de. Çi erk bikeve ser milê me, şer dibe çi dibe bila bibe, em amade ne.”

“Navê min Dicle Hesen e. Em Zarokên vê şoreşê ne, şoreş bi pêşengtiya ciwanan hate avakirin. Çi erk bikeve ser milê me, em amade ne. Navê welatê me Kurdistane, yanê bi Kurdan tê nasîn, ji bo vê jî pêwîste em xwedî lê derbikevin. Em ji bo şoreşa welatê xwe jî pêşengtî bikin.”

“Navê min Mihemed e, ez kar û xebatê ciwanan de cihê xwe digrim. Weke ku Rêber Apo jî dibêje “Me bi ciwantî destpêkir, emê bi ciwantî jî bi serbikevin”. Ji bo vê jî çi erk bikeve ser milê me, em amade ne, di heman demê de ji bo seferberiyê jî em amad ne.”

“Navê min Firyal e. Dema ku şoreşa Rojava destpêkir, ji Kobanê de destpêkir, em jî weke ciwanên Kobanê ji bo me tiştekî pîroze ku em xwedî li vê şoreşê derbikevin. Em hertim dibêjin ciwan pêşengê civakê ne, her derê de jî ciwan bi vê navî hatine naskirin. Ji bo wê jî pêwîste em xwe di vê seferberiyê de bidin îspat kirin ku em xwedî vê şoreşê ne. Em weke jin û ciwan xwediyê vê şoreşê ne, ger em weke jin û ciwan xwedî li vê şoreşê dernekevin, herkes seferberî vê pêvajoyê nebe, wê demê em nikarin bibin bersiv ji êrîşên dagirkeriyê re. Em weke tevgera jinên ciwan, emê xwedî li vê seferberiyê derbikevin. Tişta dawiyê jî ez dixwazim bêjim ewe ku, her kesê ku li vê derê soza xwe daye, dema kete pratîkê de bila gav paş de nevêjin, her kes xwedî li soza xwe derbikeve. Li ser vê esasê ez jî ji bo seferberiyê amade me.”

“Navê min viyan e, ez di kar û xebatê ciwanan de cihê xwe digirim. Ez weke jineke ciwan dibêjim dema ku seferberiyek çêbû, destpêkê em di xwe de destpê bikin, piştre heya ku hêza me hebe, em derdorê xwe jî rêxistin bikin, wan jî tevlî seferberiyê bikin. Bi riya semîneran em şerê taybet bidin naskirin. Dema em dibêjin Şehîd Namirin, divê ev tenê weke gotin nemîne, em cihê wan şehîdan jî dagirin, êdî milê tevlîbûnê de em wê dagirin.”

Her wiha gelek ciwanan tevlîbûna xwe ya ji seferberiyê re misoger kirin û dan diyar kirin ku ger ji bo çi be jî em amade ne. Heî dawî civîna ciwanan bi siloganên “Bijî Serok Apo, Bijî Berxwedana Gerîla” bi dawî bû.

[:]

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir

Başa dön tuşu