Rîm Dada hevkariya PDK’ê ya bi dewleta Tirk re di êrişên li ser Herêmên Parastinê yên Medyayê şermezar kir û got “Ev xiyanet ne nû ye, lê berdewama xeta xiyanetê ya Mistefa Barzanî ya li şoreşa Qazî Mihemed e.”
ŞEHBA – Yekîtiya Jinên Ciwan ên herêma Efrîn-Şehba li dijî dagirkerî û îxanetê ve meşiyan.
Bi dehan endamên Yekîtiya Jinên Ciwan, endamên jin ên Yekitiya Êzidiyan û Kongra Star ji rêya di navbera gundê Maratê û navçeya Ehdasê de dest bi meşê kir. Jinan alên PKK’ê, Yekîtiya Jinên Ciwan, wêneyên Rêberê Gelan Abdullah Ocalan û pankartên ” Şer şerê gerîla û gel e, bi pêşengtiya jinên ciwan em ê bi ser bikevin” û “Tolhildan” hilda bûn.
Meş li parka navçeya Ehdasê rawestiya û deqeyeke rêz hate girtin. Ji rêveberên Yekitiya Jinên Ciwan a Bakur û Rojhilatê Sûriyê Rîm Dada axivî, berxwedana gerîla ya li çiyayên Kurdistanê silav kir û got: “Dîroka gelê Kurd û Kurdistanê li ser şoreş, berxwedan û têkoşînê ava bûye. Ji ber vê yekê em dibînin ku dewletên kapîtalîst û faşîzm hewl dide berxwedanê pûç bikin. Li aliyekî êrişî kela berxwedanê Şehba û li aliyekî din Zirgan, Til Temir û Kobanê topbaran dikin. Vaye di navbera Şengal û Rojava de jî dîwaran lê dikin.”
Rîm Dada hevkariya PDK’ê ya bi dewleta Tirk re di êrişên li ser Herêmên Parastinê yên Medyayê şermezar kir û got “Ev xiyanet ne nû ye, lê berdewama xeta xiyanetê ya Mistefa Barzanî ya li şoreşa Qazî Mihemed e.”
Rîm Dada diyar kir ku ew ê li hemberî êrişên dagirkeriyê xeta berxwedanê û xeta Rêberê Gelan Abdullah Ocalan dewam bikin û wê heya dawiyê jî li kêleka gerîla bin.
