[:ku]
Bajarê Qamişlo gelek netewên ku li Rojhilata Navîn jiyan dikin di hindirê xwede di hawîne. Netewên ku livir jiyan dikin aliyekî jiber zilm û hovîtiya împaratoriya Osmaniya aliyek jî jiber komara Tirka koçber bune. Liser vê hovîtiya dewleta Tirk bi dehan salan derbas bibe jî di polîtîka û feraseta faşîst de hîn berdewam dike. Jiber vê ferasetê û girêdayî jinûve zindî kirine. Împaratoriya Osmaniyan, dewleta Tirk piştgirî da çeteyên îslama radîkal. Şerekî ku hemî cîhan pê bandor bibe û li Rojhilata Navîn bi milyonan mirov ji cih û warên xwe koçber bibin da destpêkirin. Welatê ku ji vî şerî herî zêde bandorî jiyankir yek jiwan Rojavayê Kurdîstanê bu. Gerillayên azadîya Kurdîstanê li hember vê wahşeta çeteyên dewleta Tirk; bi taybetî jibo parastina Kurdên li Rojava, bi giştî jî parastina nirxên mirovahiyê berêxwe zivirandin mevzîyên şer. Berxwedanî û serkeftina şervanên Kurd li hember vê hovîtiya ku hemu alîyên wî tarîtî pêş dixe, hêvî û kelecaniyek mezin derxist holê. Li her aliyên cîhanê ve ciwan bandorbûn û bala xwe dan liser vê têkoşînê. Ciwanên bajarê qamişlo jî para xwe ji vê têkoşînê girtin û yek ji wan jî Şehîd Ciwan Tehlo bû. Şehîd Ciwan di malbatek xîzande jidayîk bibû. Di malbatê herî zîrek ew bû jiber vê jî ew behtir dihat hezkirin. Kesayetekî jixwe bawer bû. Ev kesayetiya Şehîd Ciwan, ruxmê hemu astengiyan jî rê li pêşî vedike ku tevlî têkoşînê bibe. Naskirina heval û ciwanên xwedî armanç, ew jî dibe endamek Tevgera Ciwanên Şoreşger. Di demek nêzde ji aliyê hemu hevalên xwe yên xebatê ve tê hezkirin û dibe berpirsiyar. Wî hilbijartin, jiber ku li kuderê hevaltî kêm bidîta ew valatiyê tije dikir û di ferqa vê berpirsîyartiya xwede bû. Dîsa erkê xwe bi coşek mezin pêk dianî. Li her tax û kolanên Qamişlo ciwanan rêxistin dikir. Bi şev jibo parastina bajêr, bi roj jî jibo mezin kirina Tevgera Ciwanên Şoreşger dixebitî. Kurd, Ereb, Suryan, Aşur an jî Ermen; Ciwanên ji kîjan netewî buna bê cudahî jibo rêxistinkirinê, Şehid Ciwan liwir bû. Her wextê jiyana xwe jibo mezin kirina şoreşê bikardianî û ruxmê vê fedakariya xwe çi demî daxwazek ferdî nefikirî an jî daxwaz nekir. Jiber dizanîbû ku sempatizan û dildarek PKK’ê pêwîste fikren wî rêxistinî û dilnizm be. Ev taybetmendiyên Şehîd Ciwan di pratîkêde pêşiya rêxistinkirina bi sedan ciwanên Qamişlo vekir. Her cihê ku Şehîd Ciwan derbas bibû hatibu hezkirin û bawerî ava kiribû. Şehîd Ciwan liser erkê xwe dema seyare dajo ew û du hevalên din di encama teqandina motorek bombebarkirî de birîndar dibin. Dema ku birîndar dibe bi sedan ciwanên Qamişlo bere xwe didin nexweşxanê. Bi hefteyan li pêşiya nexweşxanê li bendêne ku hevalên wan baş bibin. Lê jiber Şehîd Ciwan beriya birîndar bibe jî pirsgirêkên tendirustî jiyan dikir şehit bu. Berpirsiyarên nexweşxanê matmayî mabun jiber kêm mirovên ku di rewşa Şehîd Ciwan de 22 rojan liberxwe bidin dîtibûn. Ne liser hişêxwe bû lê 22 rojan jibo bikaribe jiyan bike berxwedan kir. Ev rewş hezkirina jiyanê diyar dike.
Çawa ku jiyana Şehîd Ciwan bi rêxistinkirinê derbas bû, şehadeta wî jî heman encamê derxist. Têkoşîna wî bu mîrateyek Tevgera Ciwanên Şoreşger. Ciwanên ku ew naskirin xwestin wek wî jiyan bikin û jibo parastina welatê xwe wekî Şehîd Ciwan tevbigerin. Ger mirov bixwaze Şehîd Ciwan bi cewherî pênase bike, bi dilekî bê guman dikare were gotin hevalekî xwedî exlak û cihê bawerîyê bu. Serkeftina li Rojava derfet jibo hemu ciwanên li Rojhilata Navin avakir ku bikaribin derketinên mezin jiyan bikin, wate bidin jiyana xwe ya asayî. Şehîd Ciwan jî ev derfetê bi wate dît û jibo jiyanek bi rumet bikaranî.
Desthilatdarî rêyek tarî di cihana mirovan de avakir. Her demî yên ku jibo berjewendî û desthilatê hemu zindiyan wek amûr bikaranîn hebun û hîn jî ev feraset berdewam dike. Şerê di navbera desthilardar û azadîxwazan de teşe dide hemu qadên jiyanê. Her çiqas feraseta desthilatdar dixwaze mirovan bê îrade û kole bike, kesayetên azadîxwaz jî têkoşîna xwe bilindtir dikin. Di serdema iro de bi hesanî dikare were gotin; mirovên herî zêde azadî dixwazin gele Kurd’ê. Heya ku evîndarên Kurdîstan’ê wek Şehîd Ciwan hebin ev daxwaz wê her bilind bibe.
