Bajarê parîs ji sala 2013´an ve ji bo Kurdan bûye bajarê xiyanet û bêbextiye. Parîs li ber çavê Kurdan reş e. A rast çima jê re gotine bajarê evîn, kêf û seyaranê cihê pirsê ye. Yan jî ger aliyekî wê ev be aliyê wê yê din jî tijî xiyanet û komkujî ye. Belkî ji bo ku ev rûyê wê yê tarî eşkere nebe, ev nav lê hatî kirin. Ev 9 sal in Kurd bi têkoşîna xwe ya edaletê hewl didin vî aliyê wê eşkere bikin
Dewleta Fransayê di hemû bûyeran de ku li vî bajarî qewiminê, li gorî berjewendiyên xwe tevgeriyaye û kujer parastine.
Li Parîsê ango paytexta xiyanet û bêbextiyê di 9’ê Çileyê 2013´an de sê jinên şoreşger û pêşeng Sakîne Cansiz, Fîdan Dogan û Leyla Şaylemez, di nava rojê de li pêş çavê cîhanê bi awayekî hovane hatin şehîd xistin. Lê ji roja destpêkê ya komkujiyê ve, Kurdan tevî dostên xwe biryar dan û sûnd xwarin ku ew ê nehêlin ev komkujî weke gelek komkujiyên li vî bajarî di tariyê de bimîne. Di nava 9 salan de têkoşîna bi pêşengiya jinan, heta astekê encam girtin. Lê tevî ku bi delîlan îsbat bû ku komkujî ji bi fermana Erdoganî bi destê MÎT’a Tirk hatiye kirin û kujerên esas hîna nehatine dadgehkirin. Ji lewma, gelê Kurd û dostên xwe bi wesileya salvegera şehadeta her sê jinên şoreşger di serî de li Parîsê, li seranserê cîhanê daketin meydanan û ji kujeran hesap pirsîn.
Sakîne Cansiz, Fîdan Dogan û Leyla Şaylemez 9’ê Çileya 2013’an li Parîsê ji aliyê dewleta Tirk a bi serkêşiya Erdogan ve hatine şehîd xistin
Di wê demê de PKK’ê ragihand û got , fermana vê komkujiyê ji aliyê Erdogan ve hatiye dayin û hesabê vê wê teqez bê pirsîn
9’ê Çileya 2013’an li Parîsê bi rengekî namerdî şehîd ketin . Di ser şehadeta wan re 9 sal derbas bûn.
Ala azadiyê ku wan bi şeref hildan, di destê Sara, Rojbîn û Ronahiyan de ye û wê her li ba be. Tespîta ‘Azadiya jinê têkoşîna Sakîne ye’ ya Rêber Abdullah Ocalan, pîvaneke bingehîn a azadiyê ye ku li ber hemû jinan e. Tevgera me û gelê me, jin û ciwanên Kurd, hêzên şoreşger û demokratîk bi biryar in ku heta serxistina armancên Sarayan têkoşîna azadî û demokrasiyê bidomînin. Li ser vê bingehê, têkoşîna hesabpirsîna ji kujeran û şermezarkirina komkujiya Parîsê, di salvegera nehemîn de li çar parçeyên Kurdistanê û derveyî welat bi xurtî dewam dike.
Komkujiya Parîsê ya 9’ê Çileyê û têkoşîna li dijî komkujiyê dikeve sala nehan de. Bi destpêkirina sala nehan re
edaleta Kurdan û wijdanê mirovahiyê wê were bi cih bîne. Lewma, wê ji kujerên faşîst a Tirk hesab bê pirsîn. 8 sal in ev hesab tê pirsîn, di sala nehan de wê li ser bingeha hilweşandina rejîma faşîst a kujer bidome. Faşîzma AKP-MHP’ê wê bê hilweşandin, Tirkiye demokratîk bibe, Kurdistan azad bibe û bi vî rengî tola şehîdên me yên leheng werin hilanîn.
